МАКПРОГРЕС доо

Макпрогрес доо е успешна интернационална компанија, лоцирана во источниот дел на Македонија. Во 32 годишното постоење Макпрогрес преку континуирани инвестиции и висока стапка на раст прерасна во еден од водечките производители на кондиторски производи во Југоисточна Европа со извоз во повеќе од 55 земји во светот.

Во производното портфолио има преку 400 најразновидни прехрамбени производи кои се пласираат под 5 главни брендови: Винчини, Сончева Долина, Натура, Дониа и Фантазија.

Примарната дејност на компанијата е производство на кондиторски производи а секундарна е, угостителство и производство на амбалажа. Целосното производство е во согласност со меѓународните стандарди за храна и сите суровини и финални производи редовно се контролираат во овластени лаборатории за контрола на квалитет.

Со своите континуирани инвестиции и висока стапка на раст, Макпрогрес повторно го потврдува својот епитет на една од најголемите прехранбени индустрии во Република Македонија, на иновативна компанија, која ги следи потребите на потрошувачите, и која создава високо конкурентни брендови кои можат да се носат со останатите на конкурентните светски пазари. Производите се меѓународно познати како високо квалитетни со цени достапни за секого за што е и доказ дека веќе 10 години по ред е најголем извозник на храна од Македонија.

Макпрогрес е индустриска групација со силна општествена одговорност. Со цел придонесување кон одржливоста на општествениот развој, компанијата има активна соработка со локалната заедница, вработените и општеството во целина за овозможување на поквалитетен живот за сите.