ДАНИВО дооел

ДАНИВО

Компанија ДАНИВО дооел постои од 2000 година. Се занимава со производство и преработка на ориз и други житарици, како и со репроцесија и производство на семенски материјали. ДАНИВО обработува 123 хектари дражавно земјиште, кое што е добиено под концесија, во согласност со договорот за користење за период од 30 години.

Компанијата произведува ориз на површина од 70 хектари и е една од најголемите производители на оризова арпа во Македонија. Просечното годишно производство на оризова арпа изнесува околу 455.000 килограми, од кои добиваме 250.000 килограми бел ориз. Покрај сопственото производство ДАНИВО годишно одкупува по околу 200.000 килограми оризова арпа од индивудалните производители и ја преработува во фабриката што се наога во Горни Подлог во близина на Кочани. Капацитетот на фабриката во Горни Подлог е преработка на 600.000 килограми оризова арпа месечно и во неа работат добро обучени, професионални работници.

ДИСТРИБУЦИЈА

Од самата обработка на земјиштетото, до производството на ориз ДАНИВО води посебна грижа за заштитата од загадување, што претставува еден од основните услови за добивање еколошки здрави производи. ДАНИВО поседува модерна земјоделска механизација за обработка на земјиштето и магацински простор за складирање на оризовата арпа и белиот ориз. Исто така, имаме возен парк за дистрибуција на готовоите производи.

ДАНИВО годишно дистрибуира околу 600.000 килограми бел ориз на домашен пазар и околу 1.500.000 килограми бел ориз на странските пазари. Компанијата е препознатлива и на пазарите во Србија, Турција и Црна Гора, а веќе се во тек активности да почнеме да извезуваме и во некои држави од Европската унија.

СОРАБОТКА

ДАНИВО дооел соработува со повеќе од 400 кооперанти од кочанскиот крај и со индивидуални земјоделци производители на ориз од Виница, Блатец, Велес и Неготино. Покрај откупот ДАНИВО го извршува и превозот на оризовата арпа на индивидуалните земјоделци од нивните складишта до фабриката за ориз во Горни Подлог.