ВИПРО дооел од Гевгелија е компанија од преработувачката индустрија на храна, која прва го воведе home-made видот на производи во индустриско производство, како што се домашниот ајвар, лутеницата, пинџурот, слаткото и слични други преработки од зеленчук и овошје.
Стратегијата на ВИПРО е да учествуваме на домашниот и меѓународниот пазар со здрава, вкусна, сигурна и квалитетна храна. Притоа, го ревитализираме вкусот на нашите баби и дедовци, односно дел од вкусовите од Југоисточна Европа, Медитеранот и Македонија, кои се пример за здрава храна.
Производството се остварува со користење на стари традиционални домашни рецепти и користење на суровини од нашето пошироко подрачје. Многу од начините за квалитетна и успешна обработка на суровините се уште се применуваат на традиционален начин, посебно модернизирани за индустриско производство.
Производството на ВИПРО е успешно дистрибуирано во САД, Канада, Австралија, Англија, Нов Зеланд, Германија, Австрија, Шведска, Данска, Швајцарија, Чешка, Косово, Јордан, Обединети Арапски Емирати, и екс-југословенските држави.
Специјалитети од зеленчук (домашен ајвар, лутеница, малиџано, медитерански пинџур, селски пинџур, закуски со црн патлиџан, домати и тиквици, пасти од маслинки, пасирани домати...)
Кисела програма (корнишони, феферони, лути бабурчиња, цвекло, пиперки, лист од зелка...)
Сладка програма (слатко од јагоди, слатко од диви смокви, слатко од зрели смокви, слатко од тиква, слатко од дуња, слатко од портокал, мармалад од сливи, мармалад од зрели смокви, џем од кајсија...)
Делукс програма (специјалитети од зеленчук кои се направени со посебно внимание на производствениот процес и квалитетот на суровината)
Потпечена програма (потпечени пиперки, тиквички, модар патлиџан...)
Вакуум програма (цела зелка, лист од зелка, мешана салата)
Овие групи имаат различни ВИПРО брендови, односно: Vipro Tradition, Vipro Sunny Taste, Vipro Fresh Morning, Vipro De Luxe, Grillco и VISAN.
Императив на фирмата е да ги услужи потрошувачите со соодветни, сигурни, квалитетни, здрави и вкусни производи.
Улица: Ул. Индустриска бр. 60, село Прдејци, 1480 Гевгелија
Град: Гевгелија
Држава: Macedonia
