Подетално за компанијата
КОНТИ ХИДРОПЛАСТ е извозно ориентирана македонска компанија, за производство на ПЕ (полиетиленски) и ПП (полипропиленски) црева и цевки. КОНТИ ХИДРОПЛАСТ е основана во 1975 година во Гевгелија, примарно како мала фабрика за производство на алати и елементи од лиена пластика.
Нашата производствена програма во моментов ја сочинуваат цевки и црева за изградба на водоводни системи, канализациски системи, ПЕ и ПП шахти, цевки за транспорт на гас и нафтени деривати, цевки и црева за заштита на телекомуникациски кабли, дренажни системи, како и фитингарија за нив со соодветни димензии, кои исто така се движат од минимален дијаметар од 12 мм, па се до 2000 мм.
По успешниот старт потпомогнати од искуството здобиено со реализираните проекти на домашниот пазар, денес КОНТИ ХИДРОПЛАСТ е извозно ориентирана компанија, која 95% од производите ги пласира на меѓународните пазари. Покрај искуството, за пристап на меѓународите пазари придонесе и големата гама на производи и капацитети со кои сме подготвени да одговориме, со врвен и препознатлив квалитет по сите меѓународно признати стандарди.
КОНТИ ХИДРОПЛАСТ препознатливоста на пазарот ја стекна преку квалитетна понуда и постојана примена на флексибилност во работењето, што е многу важно во индустрија каде што комплексноста на менаџирањето на сите процеси е прилично голема. Еден од клучните фактори за одржливост покрај големата конкуренција, е константното ре-инвестирање во иновативни технологии и стремеж кон генерален технолошки напредок.
Комбинацијата на сите овие клучни фактори придонесе КОНТИ ХИДРОПЛАСТ да игра важна улога на домашниот и на странските пазари, со постојана присутност на сите значајни и споредни инфраструктурни проекти.
Контакт информации
Адреса
Улица: Ул. Индустриска ББ, 1480 Гевгелија
Град: Гевгелија
Држава: Macedonia
Мапа
