АВТО - МОБИЛ

Компанијата АВТО-МОБИЛ e прва специјализирана фирма за сервисирање и трговија со амортизери во Македонија. Со работа почнавме во 1992 година и за кратко време израснавме во респектабилна фирма лидер во трговијата и сервисирањето на амортизерите во Македонија. Во 1993 година АВТО МОБИЛ стана овластен сервис и дилер на еден од најголемите производители на амортизери во светот MONROE.

Во ноември 2003 година продолживме со работа во нов објект, лоциран веднаш зад бензинската пумпа во Бутел 1 во Скопје. изграден според најсовремените стандарди за дијагностицирање и поправка. Со три работни места за брза интервенција, со вкупна површина од 130 м2. Потоа, со посебен погон за репарирање на амортизери, со посебена опрема за ригорозна контрола на квалитетот на извршената репарација. Магацински простор за нови и репарирани амортизери.

Во АВТО - МОБИЛ останавме доследни на стручноста и високиот квалитет на извршените услуги, како и љубезноста и високата професионалност. За да бидеме во чекор со времето и барањата на клиентите инсталиравме специјална опрема за тестирање на амортизери, која прецизно (во проценти) ја мери истрошеноста на амортизерите и точно утврдува кои од нив треба да се заменат. Набавивме и линија за гасно полнење на репарираните амортизери. Со тоа квалитетот и перформансите на репарираните амортизери се речиси идентични со новите амортизери, на што укажува и гаранција од 3 години што ја даваме за нив.

Во април 2013 година АВТО - МОБИЛ отвори уште еден сервис во населбата Аеродром, во кругот на Раде Кончар. Со што потврдивме дека сме сериозна компанија која ги следи желбите и барањата на коминтентите.

Денес АВТО - МОБИЛ е овластен сервис и дилер на еден од најголемите производители на амортизери од истокот NBNF. Со овој чекор успеавме да одговориме на новите услови на пазарот и да понудиме амортизери со одличен квалитет за одлична цена.