МЕРМЕРЕН КОМБИНАТ АД Прилеп

МЕРМЕРЕН КОМБИНАТ АД-ПРИЛЕП

МЕРМЕРЕН КОМБИНАТ АД-ПРИЛЕП е глобален лидер во вадење и производство на снежно бел мермер. Друштвото е основано во 1946 година со основна дејност производство на бел мермер SIVEC®.

Stone Works Holdings, холандско друштвото во сопственост на NBGI Private Equity, поседува 88.4 проценти од акциите на Друштвото.

SIVEC® е мермер со микро гранули кој се вади во околината на Прилеп и со векови се користел за градење на многу историски места, како, на пример, ХЕРАКЛЕЈА и СТОБИ.

МЕРМЕРЕН КОМБИНАТ АД Прилеп раководи со пет големи каменоломи на мермер во околината на Прилеп кои опфаќаат 30 проценти од 1,9 км2 површина под концесија.

ПРОИЗВОДНИ КАПАЦИТЕТИ

Каменоломите се опремени со најмодерна технологија за вадење на мермер која обезбедува производство и континуирано снабдување од 75.000 тони суровина годишно.

Потоа суровината вертикално се преработува во производните капацитети, лоцирани на само 10 километри од каменоломите.

Просторните и модерните производни капацитети се сместени на површина од 65.000 м2, заедно со складишен простор за готовите производи. Производните капацитети се со голем капацитет и во нив се изведува сечење и полирање на мермерот во табли и плочи, според потребите на клиентите и во согласност со меѓународните стандарди.